Ikastaroaren balorazioa

Urria amaitzear dagoen honetan ikastaroa bukatzeko ordua heldu da.

Oso hilabete gogorra izan da neuretzat: eskolako lana, etxea, 16 hilabeteko txikitxoa eta batera bi Prest Gara, on-line biak, egiteko beharra. 
Ez nintzela helduko zirudien arren ez da hainbesterako izan!

Ikastaroaren hasieran esan nuen bezala duela zenbait ikasturte PLEaren lehenengo hurbilketa egin nuen eta oraingoan bertan ikasitakoa finkatu eta ezagutza berriak ere eskuratu ditudalakoan nago. 
Orain hau guztia martxan ipintzeko beldurra alde batera uztea besterik ez zait falta!

Pertsonalki asko ikasi dudalakoan nago, nire PLEa behingoz antolatu dudalakoan nago, Symbaloo erramientari etekina ateratzen hasi beharko naiz orduan! 

Feddlyri dagokionez interesekoak ditugun web orriak edota informazio iturriak kontsultatzeko ere bikaina iruditu zait.

Gainera, Diigon outlinerra sortzeko aukera asko gustatu zait. Aurretik classroom erabili izan dut, baina, ezagutu gabe Diigok informazioa on-line bilatzeko aukera hobeak eskaintzen dituelakoan nago.

Bestalde, proiektuen bidez talde lan kooperatiboak egiteko Twitter sare sozialak eskaintzen dituen aukerak ez nituen ezagutzen nahiz eta erabili izan dudan beste gai batzuk lantzeko.

Honekin guztiarekin agurtzea besterik ez zait falta, 

Laster arte irakasle eta kurtsokide guztiei!

Plazer bat izan da!

                        

Instagram

Ikastaroa aurrera doa eta konturatu gabe amaierara hurbiltzen gaude!

Aste honetako lana Instagramen erabilera eta hezkuntzan dituen aplikazioak, hain zuzen ere.

Egia esan ekintza hau burutu arte ez dut pentsatu inoiz Instagram gela batean erabil zitekeenik..., baina, ... egun gainera proiektuen bitartez lan egiten hasi garela eta gure etorkizuna hezkuntzan proiektuen bidez lan egitera bideratu behar dugula aintzat hartuta baliabide interesgarria izan daitekeela uste dut zenbait kasutan:

- Argazkietan idazteko aukera egonda aukera paregabea izan daiteke proiektu baten bilakaera azaltzeko.

- Horretaz gain, ikas komunitatearekin ikastetxean burutzen diren proiektuak eta ekintza osagarriak partekatzeko erabili daiteke.

- Interesgarria da ere Instagram, Twitter, Facebook eta Tumblr binkulatuta edukitzeko posibilitatea. Oso gutxi ezagutu arren, gela bakoitzarekin "mikroblg" bat sortuz gero aukera asko eman ditzakeela pentsatzen dut informazioa partekatzeko, antolatzeko eta gogoeta egin ahal izateko.

Nire Instagrameko erabiltzailea "janireestradaahedo" da. Ariketa honetan bete beharreko atazak hiru argazki partekatzea eskatzen zuen. Hauexek neureak:

- Ernalketa:

- Zientziak ere alderdi barregarria duelako:

- Liburu interesgarria:

Jarraian Twitter, Facebook eta Tumblr-ren egindako ekarpenen argazkia ikusgarri daukazue:

- Twitter:

- Facebook:

- Tumblr:

Zenbat ikasten ari naizen ikastaro honekin! Hemendik aurrera beldurra alde batera utzi eta klasean ikasleekin martxan ipintzea besterik ez zait falta!

Facebook vs. Twitter

Oraingo honetan beste sare sozial bat erabiltzea tokatu zaigu: Facebook.

Aspaldi erabiltzen dudan sare soziala da. Egia esan gustuko ditudan orriak irakurtzeko erabiltzen dut edo herrian gertatzen diren gora beheretaz jabetzeko. Normalean ez ditut argazkiak igotzen ezta publikazio zuzenik egiten ere. Soilik, gustatzen zaizkidan berriak edo egoerak partekatzen ditut.

Egia esan facebook hezkuntzako baliabide bezala erabiltzea ez zait inoiz burura etorri. Guk ikastaro honetan egin dugun moduan talde pribatu bat sortu daiteke eta bertan klaseko ikasle guztiak sar daitezke, materiala ere igo daiteke eta aukera ematen du adituen orriak jarraitzeko edo beste talde batzuetan, adituak direnak gai konkretu batean, sartzeko baimena eskatuz gero. 

Baina, gaur egun gizartean oso errotuta dagoen sarea da. Pertsona askok eguneroko pasarteak kontatzeko erabiltzen dute, erakunde edo elkarteek iragarkiak publikatzeko erabiltzen dute, ..., beraz, neure uste apalean sare sozial honen ezaugarria "informala" izatea da eta hezkuntzak "formaltasun" kutsua eduki beharko lukeelakoan nago.

Twitter duela denboraldi bat egindako ikastaro baten harira erabili nuen estrainekoz. Nire erabiltzailea @PleaJanire da. Ikastaro horretan erabili nuenetik ez dut orain arte berriro erabili. 

Orain, facebook eta twitter-ren arteko hautua egin beharko banu klasean erabiltzeko twitter aukeratuko nuke, izan ere, kutsu serioagoa duelakoan nago, taldeak ere sor daitezke, gai baten inguran informazioa bilatzeko hitz gakoak erabilita nahikoa da, normalean twitter-en adituek idazten dute eta publikazioak formalagoak dira, besteak beste.

Ikastaroan hiru taldeetan eskatu dut partaidetza: 

- Docentes, 42.073 partaide ditu eta hezkuntza esperientziak partekatzeko helburua dauka.

- CREAR (Compartiendo Recursos para la Enseñanza y el Aprendizaje en Red): 6.858 partaide ditu eta baliabideak, esperientziak, iritziak, etab. partekatzeko erabili daiteke.

- La semana del proyecto: 368 partaide ditu eta proiektuak partekatzen dira.

Gainera, biología sin fronteras eta biología digital orriak jarraitzen hasi naiz. Lehenegoak, biologiaren lotutako galderak eta erantzunak biltzen ditu eta bigarrenak, zientziaren dibulgazioa du helburu nagusi.

                                

Twitter

Ikastaroa aurrera doa eta oraingo honetan twitter erabiltzea tokatu zaigu!

Kontua duela pare bat urte sortu nuen beste ikastaro baten harira, baina orain arte berriro ez dudala erabili aitortu beharra daukat!

Nire erabiltzailearen izena bertan @PleaJanire da, izan ere, egindako ikastaro horrek ere norberaren PLEaren gaia jorratzen zuen.

Hau da nire agurraren esteka, ikusi nahi baduzue klikatu besterik ez duzue egin behar: https://twitter.com/PleaJanire/status/1052113264858095616.
Ariketa honetan twitter-en hainbat ariketatxo erraz egitea proposatu zaigu. Bertan kuxkuxeatu ditzazkezue!

Orain arte ez dut twitter baliabidetzat hartu, baina neure ustez irakasleen artean zein irakasle eta ikasleen arteko komunikazioa ahalbidetzen duen sare soziala izan daitekeelakoan nago. Ikastaro honetan egin dugun bezalaxe hastag komun bat erabiliz irakasleen eta ikasleen arteko komunikazioa areagotzeko iragarki taula moduan erabili zitekeen.

Gurasoak informatzeko ere erabili daitekeelakoan nago. Are gehiago, gurasoek aukera izango lukete klaseko egiten direnen lanen gaineko informazioa jasotzeko eta gertutik euren seme-alaben hezkuntza prozesua jarraitzeko.

Gainera, esteka eta baliabide interesgarriak partekatzeko aukera ematen du eta talde desberdinen arteko informazioa partekatzeko ere bai.

Twitter, azken finean, norberaren PLEaren erramienta potentea izan daitekeelakoan nago eta hemendik aurrera neure egunero lan esparruan barneratzeko ahalegina egin beharko nukela uste dut.

Diigo

Gaur zubia hasi baino lehen Diigo ezagutzea erabaki dut, jai egunak ikastaroko lan guztiak amaituta edukita hasteko prest!

Bideoak ikusi ditudanean eta Diigo-n estraineko aldiz sartzerakoan apurtxo bat ikaratu nahiz hainbeste baliabide eta aukera duela ikusita! 

Baina, tira... ariketa egitea lortu dudalakoan nago eta hona hemen neure iritzia:

Oso erramienta ona izan daiteke ikastetxeetan lan kooperatiboa sustatzeko, izan ere, interneteko konexioa soilik izatearekin aukera dago mota anitzetako baliabideak, irakasleen edota ikasleen artean partekatzeko. Gainera, taldeak egiteko aukera interesgarria iruditu zait. Outliner-ra sortzea classroom-aren aukera berdintsua ematen du, eta oraindik erabili ez dudan arren abantailak eduki ditzakeelakoan nago informazioa plataforma berean, Diigo-n, eskuratzeko eta partekatzeko aukera baitago.

Asko gustatu zait bakoitzaren interesekoa diren taldeetara batzeko aukera izatea, horrela, informazio edo baliabideren bat bilatu behar dugunean benetan gai horretan eskuarki lotuta lanean dabiltzaten adituen lanak edo argitalpenak eskuratuko ditugulako.

Hutsuneei buruz hitz egitea momentu honetan oso zaila egiten zait gaur ezagutu berri dudalako. Bat aipatzekotan inprimatzeko aukera eza esango nuke, pantailaren argazkia egin beharko litzateke.

Interesgarria eta erabilgarria iruditzen zait Javier Carrillok aurkezten duen Portal de Actividades Educaticas multimedia-Educaplay plataforma, hezkuntza arloan multimedia-baliabideak sortzeko aukera ematen duenak. 

Neure Diigo-ko profila bisitatu nahi baduzue sartu zaitezte jarraian dagoen link-ean:

https://www.diigo.com/profile/janireestrada

Gainera, hemen daukazue ariketarekin lotuta DBHko 1. mailan Ekosistemak lantzeko sortu dudan outliner-raren esteka:

https://www.diigo.com/outliner/g4c5bl/Ekosistemak?key=w4c4m0mof3

Zein da elkarlanaren abiapuntua?

Gaur egun ikastetxe guztietan pil-pilean dagoen asuntua daukagu lankidetzarena. Hau da, ikastetxeei Gobernuak berak eskatzen die proiektuka lan egitea ikasleen gaitasunak modu bateratu batean lantzeko eta aniztasunari aurre egiteko, besteak beste, etorkizuneko gizabanakoak adimen anitzak garatu ditzaten etengabeko aldaketan bizi garen mundu globalizatu honetan. 

Baina, nola gauzatu aldaketa hau? 

Horretarako lankidetza edo elkarlana ezinbestekoak direlakoan nago, bai ikasleek modu bateratu batean kooperazioa eta kolaborazioa aldarri bezala hartuta bai eta irakasleok gure lanari dagokionez.

Neure uste apalean hezkuntza munduan lan egiten dugunok konziente gara etengabeko formazioa ezinbestekoa dela hezkuntza kalitatezkoa izango dela bermatzeko. 

Askotan, aurreko post batean adierazi dudan bezala, informazio gehiegirekin lan egiten dugu, beraz, norberaren PLEa eudukitzea lehenengo urratsa izan beharko litzateke irakasle bakoitzak bere irakaskuntza prozesuaren sarea osatzeko. 

Behin pausu hau emanda, sare sozialek berebiziko garrantzia dutelakoan nago, izan ere, gure ezagutza partekatzen ez badugu ez baita ezagutzera emango eta ondorioz, gure lanak ez duelako hezkuntza munduan eraginik edukiko. 

Baina, hezitzaile guztiak bat egitea zaila izan daiteke, izan ere, irakasle bakoitzaren errealitatea, arazoak eta erronkak ez dira berdinak. Are gehiago, normalean egunerokotasunean sortzen diren arazoekin eta lanarekin lepoz gainezka gabiltza eta pertsona askorentzat "lan extra" bat suposatuko lukeenez sarean lan egiteak ezetza emango lukete.

Hastearren, ondo legoke gai hauekin lotuta ikastaroak egiten ditugunok sarean lan egiten hastea lehenego aurrerapausuak eman izan baititugu jada. Hots, norberaren PLEari forma ematen hasi diogu, Symbaloo erramientaren bidez; Feedly baliabidea ere hasi gara dagoeneko erabiltzen gure intereseko informazioa bat-batean eta modu bateratuan ikusi ahal izateko. Beraz, lanaren erdia eginda daukagu jada!

Ondoren, bakoitzak bere ikastetxean lankideak animatu ditzakegu eta are gehiago, irakasle guztiok formakuntza egiten dugunez eta gai arrunta izanen denez IKT-ena, zergatik ez zuzendaritza taldeari proposatu ikasitakoa gainontzeko irakasleei irakastea?

…Sabemos cómo hemos comenzado; no

podemos decir dónde llegaremos. (…) Todos

hemos de cooperar. Aquí no hay uno sólo y los

demás son comparsa, sino que cada cual tiene

su sitio, su deber, su responsabilidad.

(P. Poveda, 1919)

Eta nola sortu dezakegu OLE-a gure ikastetxean? 

Linda Castañedak dioenez, Irakaskunta Ingurune Antolatzaileak bere baitan hartuko lituzke informazio iturriak, erramientak, ekintzak, mekanismo kognitiboak eta erakunde horretan parte hartzen duten pertsonen sarea ikasteko asmoarekin.

Beraz, OLE-ek zentzu handi batean erakunde bateko kideen PLE-ak bateratzeko aukera emango luke eta garrantsitzuena dena, partaideak beraien arteko lankidetzan arituko lirateke amankomuneko helburuak lortzeko.

Orduan, ikastetxe bat erakunde bat denez, bertako partaideek identitate digitala badute, hau da, PLE-a badute eta sare sozialetan modu aktibo batean parte hartzen badute, nahikoa izango litzateke elkarlana OLE-ak implementatzeko. 

Eta nola? Ba, formazioaz baliatuta, hau da, ikastetxeetan zuzenean lehentasuna ematen XXI. mendeko baliabide ezin hobe hauei!

PLE

Oraingo honetan Symbaloo erabili behar izan dugu. Symbalook baliabide garrantzitsuak elkartzeko eta parterkatzeko aukera ematen duen erramienta da.

Symbalook norberaren PLEa antolatzeko egokia iruditzen zait, izan ere, baliabide digital honetan nahi ditugun helbide eta baliabide interesgarriak gorde ditzakegu modu erraz eta oso bisualean. Honek guztiak, beraz, norberaren PLEa, norberaren ikaskuntza pertsonalean etengabeko onura sor dezakeelakoan nago.

Symbaloo erremienta aurreko ikastaro batean ezagutu nuen eta garai horretan erabili behar nuelako erabakia hartu nuen baina orain arte ez dudanez erabili... orain da momentua berriro martxa hartzeko!

Nire PLEa

Argi dago lanbide guztietan formazioa etengabekoa eta jarraia izan behar duela, baina, hezkuntza munduan are gehiago. Irakasleook gure ikasleei baliabide egokiak eta garaian garaiko teknologia aurrerapenekin lotura estua dutenak eskaintzen saiatu beharra daukagu.

Norberaren PLEa ikastaro honekin nire lan ohiturak eraldatu nahiko nituzke. Gauzak horrela, materiala antolatzea eta hainbat programa berri, prezi esaterako, edo bideo muntaiak egiten ikastea gustatuko litzaidake.

Nolakoa izan beharko du etorkizuneko eskolak?

Ikasturtea aurrera doa, egunak joan egunak etorri, eta hainbat artikulu, albiste, bideo ... ikusteko aukera izan ostean hasieratik neukan ideia batek indarra hartzen doa: gure hezkuntza-sisteman aldaketa bat, iraultza bat beharrezkoa da. Argi dago, IKT-en munduan dabiltzan adituek argi daukatela, baina, gure agintariek, azken finean, eurek erabakitzen dute zeintzuk eduki irakatsi eta zein modutan, oraindik ere ez direla ohartu dirudi. Garaia da gauzak aldatzen hasteko, haurrek ere, euren nortasuna erakusteko garaia da, euren ezagutza eraikitzeko garaia, bakoitzak bere pausuak zein norabideetan eman nahi dituen erabakitzeko unea heldu da!

Eguna umorez kutsatzeko...

Jordi Adell: "Tecnología y pedagogía, dos caras de una misma moneda"

Donostian ospatu berri den Hiritar Digitalen Nazioarteko Kongresuan IKT alorrean aditua den Jordi Adell-en ponentzia bat zuekin konpartitzea gustatuko litzaidake, bere hitzak egiaz beterik daude eta gure irakasle identitatearen eraikuntzan garrantzitsuak izan daitezkeelakoan nago.

Ponentzia ikusteko jo ezazu ondorengo estekara:

http://www.congresociudadaniadigital.com/es/videos/tecnologia-pedagogia-201205111005.php

Hiritar digitalen nazioarteko kongresua

Informazioa bilatzeko, harremanak egiteko, negozioetarako, ikasteko edota garapen pertsonalerako ezinbesteko bilakatu da Internet. Horrenbestez, erronka berriak sortu dira Sarearen inguruan,teknologiaren erabilerak duen izaera instrumentaletik harago doazenak.

Sareari konektatuta dauden hiritarrak gero eta gehiago diren heinean eta tresna teknologikoen erabilera gero eta handiagoa den heinean, orduan eta azkarrago hurbiltzen ari gara sare-gizartea delakora.  Horren ondorioz, gure bizitzako alderdirik oinarrizkoenak aldatzen ari dira: besteak beste,eskola, gure artean erlazionatzeko modua, agintari eta herritarren arteko harremana eta ekonomia eta lehiakortasuna.

Testuinguru honen aurrean, Internetek tresna izaera ez ezik bestelako izaera bat duela esan dezakegu eta, horrez gainera, hiritar digital bilakatzeak ekarriko dituen ondorioei buruz hausnarketa egin beharko genuke. Izan ere, hiritartasun digitaleko hiritarrak norbanako ala enpresa gisa sarean eta sarearekin integratuta daudenak dira, euren gaitasunei etekin ateratzen dietenak eta, aldi berean, sortzen diren egoera, arau eta erronkei aurre egiten dietenak.

Hiritartasun Digitaleko Nazioarteko Kongresuak Interneti eta ziberhiritartasunari buruz hausnarketa egiteko topagune izatea du helburu, lehen mailako adituen eskutik sare-gizarteak eskaintzen dizkigun aukeren inguruan eztabaidatu, hausnartu eta horiek ezagutu eta aprobetxatzeko aukera emanez. Hiritartasun Digitaleko Kongresuak etorkizuneko gizartea definitzeko orduan estrategikoak diren gaiak jarri nahi ditu mahai gainean, besteak beste, hezkuntza-eredu berri baten diseinua, demokrazia parte-hartzailearen kontzeptuaren definizio berria, IKT arriskuen prebentzioa, bitarteko sozialen hazkuntza, negozio eta lehiakortasuna sustatzeko tresna berriak eta talentua plazaratzea.

III. Hiritartasun Digitaleko Nazioarteko Kongresuaren izenburu nagusia honakoa izango da: DESIKASTEN IKASTEN. Izan ere, teknologia eta sareek duten eragin disruptiboa dela eta, orain arte ikasi duguna zalantzan jarri eta zaharkituta gelditu diren kontzeptuak alde batera utzi behar ditugu kontzeptu berriei ongietorria emate aldera. Hots, edalontzia hustu, berriro bete ahal izateko.

Kontzeptuz osatutako aterki honen gerizpean, aurtengo Kongresua lau atal nagusitan banatuko da: SOZIALMEDIA, ENPRESA ETA LEHIAKORTASUNA, 2.0 HEZKUNTZA eta GOBERNANTZA ETA HIRITARTASUNA. Kongresuarekin batera, ordea, beste zenbait ekitaldi ospatuko dira: CICD STARTUP COMPETITION izenekoak, esate baterako, ekintzailearen irudia bultzatzea du helburu, ekintzaileek egindako proiektuak inbertitzaileekin harremanetan jartzea ahalbidetuz; OPEN DATA EUSKADI EGUNAk, berriz, Gobernu Irekiaren alde Euskadik egin duen apustuak Europa mailan errekonozimendu handia jaso duela goraipatzea izango du xedetzat.

Hori guztia maiatzaren 8 eta 9a bitartean gertatuko da, Donostiako Kursaal Kongresu Jauregian. Aldi berean, networking eta aisia oinarri izango dituzten hainbat ekitalditan parte hartzeko aukera izango dute kongresuan parte hartzen dutenek: horien artean, COCKTAILS & JAZZ ekimen sendoa eta CLOUD GASTRONOMY apustu berritzailea nabarmendu behar dira. Baina horiez gainera, beste hamaika sorpresa izango dira ezagutza eta networking-a garatzeko aukera emango duten bi egun hauetan zehar.

Informazio gehiago kontsultatu nahi baduzu: http://www.congresociudadaniadigital.com/es/index.php

IKTak Lehen Hezkuntzan

Ordiziako Jakintza Ikastolako Lehen Hezkuntzan, aspalditik ekimen interesgarriak burutzen ari dira IKTen esparruan. Ondorengo bideoan, bi talde desberdinen grabazioak aurkezten dira ohiko lan bat burutzen ari direla. 

Batetik, 1. mailako ikasleak (6 urtekoak) GCompris eta Tuxpaint lantzen ari dira. Deigarria da ikustea ikasle hauek zein naturaltasunez hartzen dituzten tresna eta aplikazioen "martingala" guztiak.

Beste alde batetik, 6. mailako bi ikaslek beste gelakideei Google Sites azaltzen ari dira. Itzela iruditu zait ikasle hauen lana eta ikaskideen jarrera.

Hau guztia, zalantzarik gabe, irakasleak berak daraman metodologia sortzaile eta aktiboari esker posible da, ikasleen jakin-mina etengabe piztea lortzen duelarik.

Eskola 2.0: pausorik pauso hezkuntza sistemaren eraldaketaren bila IKTen integrazioaren bidez

Teknologia berriak eskoletara ailegatu diren arren oraindik beraien erabilpenaren inguruan zalantza asko dago, izan ere, integrazioa ez ezik hezkuntza-sistemaren eraldaketa ere gertatu beharko litzateke, zehatz mehatz, metodologia eta lan egiteko moduak. Bide hau luzea izango da eta horretarako hainbat faktoreen gainean eragitea beharrezkoa izango da, besteak beste, administrazioaren inplikazioa, ikastetxeen azpi-egiturak, irakasleen prestakuntza, baliabide didaktikoen hornitzea, ikasleen lan egiteko moduan eraldaketa ...

Jarraian aurkezten den bideoan gai honi buruz solasaldi interesgarriaz gozatu dezakezu.

Hausnarketa: Gizartearen jakintza, hezkuntza eta teknologia

Gaurko honetan hausnarketa egiteko sarean topatutako bideo batez baliatuko naiz. Bertan, Manuel Area-ren hitzak ere jasotzen direla esan beharra dago. Argi dagoena zera da: teknologia berriak gure bizimoduan integratu direla oso abiadura handiarekin. Era berean, hezkuntzan ere eragiten hasi dira, sistema eraldatzeko beharra sumatu delarik. Nire ustez, artikuluetan irakurritakoaren arabera, bai adituek bai irakasleek zein etorkizuneko irakasleok argi daukagu IKTak aukera paregabea ematen dutela konstruktibismoaren alde egiteko, baina ... gobernuek egoera hau onartu eta sistemaren beraren erabateko aldaketa hasi beharko lukete, eta argi dago, beraien egitarauetan ez daudela halako gauzarik programatuta. Zergaitik bada? Norbanakoari aukera ematen diotelako  bere interesen arabera garatzeko, modu autonomo batean hezteko, jarrera kritiko bat eraikitzeko ... eta behar bada, ekonomi mundua dagoen moduan egonda, ez liteke iraultza bat piztuko? Horren beldur izango ote dira gure agintariek?

Ordenagailuak HPBak dituzten haurrentzat

Sarean topatu dudan artikulu hau zurekin partekatzea gustatuko litzaidake, bertan, Kuban hezkuntza premia bereziak dituzten haurrekin ordenagailuen erabilera bermatzen da.

"Amor y entrega hacia la educación especial"

CUBA: Las niñas y los niños con necesidades educativas especiales encuentran en la computación un apoyo para asimilar mejor el aprendizaje.

Así lo experimenta un grupo de infantes pinareños con Síndrome de Dow que reciben los beneficios de trabajar con la multimedia Yo si puedo, de la Máster Olga Lidia Machado Gómez, ganadora del gran premio en la XII edición del evento de informática para jóvenes INFOCLUB 2010.

Ella se desempeña como instructora y especialista principal en el Palacio de Computación de la ciudad capital y labora además en diversos proyectos encomendados por la dirección provincial del Ministerio de Educación, destinados no sólo a niños y jóvenes con esa patología, sino también a alumnos con retardo mental.

Por ese motivo, desde hace unos diez años su labor en la escuela especial Carlos Marx, se concentra en ese propósito.

Con frecuencia de un encuentro por semana; en tres meses, los pequeños, ejecutan acciones que no logran realizar en igual espacio de tiempo.

“Yo sí puedo” – explica Olga- es un programa compuesto por dos unidades, la primera denominada. Mi computadora, etapa en la que los escolares ejercitan habilidades básicas e interactúan con el monitor, el mouse y demás parte del equipo.

“Jugando y aprendiendo”, es el segundo módulo, donde los pequeños se familiarizan con los sonidos, la animación y el video, apunta.

A partir de un estudio previo sobre las características, gustos y preferencias de los estudiantes se determina con cuáles figuras trabajar, los instrumentos musicales y los colores que han de ser empleados.

Todo ello conforma un grupo de actividades que estimula y facilita el desarrollo de las habilidades en la motórica fina, es decir los niños adquieren una mejor coordinación entre los ojos y las manos al momento de usar el mouse.

-Este software educativo constituye una evidencia del impacto favorable que puede provocar la tecnología en el ámbito de la educación. ¿En su caso como valora los resultados?

-“Su puesta en práctica me permitió realizar diagnósticos preliminares para la rehabilitación y ulterior desarrollo de los alumnos.

“Recuerdo que entre los primeros niños con los que trabajé está aplicación están los integrantes del proyecto Con Amor y Esperanza, y ellos lograron desarrollar habilidades que no sólo le han servido en la informática sino también para la vida cotidiana.

“El software ha favorecido de manera gradual la motivación hacia la actividad docente educativa, posibilitando que la informática se convierta en un estímulo diáfano en función de conocimientos y del desarrollo de habilidades”.

-¿Seguirá Olga Lidia realizando investigaciones para incrementar las destrezas de niños urgidos de una educación especial?

-“Sí, esta es mi línea. Brindarles mediante la computación experiencias necesarias que les permitan apropiarse de determinados hábitos con el fin de valerse por sí mismos.

“A pesar de ser Licenciada en Geografía, descubrí en el Palacio de Computación que mi verdadera preferencia es el trabajo con niños que llevan un cuidado especial.

“Me capacito, me supero constantemente para ser cada día mejor en lo que hago porque me gusta ver los progresos de estos niños y jóvenes y me siento feliz cuando constato sus avances.

“Es amor… sólo amor”.

Fuente: OEI – NOTICIAS – Portal Educativo Cubano. Ministerio de Educación de la República de Cuba

Bideoaren erabilera hezkuntza birsortzeko - Salman Khan

Hona hemen eskoletan erabiltzeko irakasteko bide berri bat: BIDEOaren erabilera, hain zuzen ere.

Metodo honen asmatzailea Salman Khan da, eta hemen estekatutako irudietan bere metodologia eta aplikazioa zehazten ditu non teknologia, bideoa, alegia, erabilita eta haur bakoitzaren erritmoa errespetatuz hezkuntzaren iraultza aldarrikatzen den.

Apur bat komikoa dirudien arren, niri asko gustatu zait. Espero dut zuretzat ere lagungarria izatea!

Ingelesez dago, horregatik, jarraian dagoen linkean estekatu eta erdaraz irakurtzeko aukera izango duzu:

http://www.noticiascolegios.com/2011/03/11/usar-el-video-para-reinventar-la-educacion-salman-khan/

Hausnarketa

Gaurko hausnarketa egiteko bai Manuel Area Moreiraren liburuan, "Manual electrónico: introducción a la tecnología educativa", bai sarean aurkitutako Txileko bideoan, non IKTek hezkuntza sisteman daukaten eraginari buruz diharduten, oinarrituko da.

Euskarri bi hauek aintzat hartuta argi geratzen da, IKTen integrazioarekin batera hezkuntza-sistemaren berrantolaketa beharrezkoa dela. Horrela bada, ikaslea irakaskuntza-ikaskuntza prozesuaren protagonista bihurtuko da, bere interesetatik eta jakinminetatik abiatuta eraikiko du bere ezagutza. Zentzu honetan, teknologiak aukera paregabea eskaintzen duelakoan nago, izan ere, ordenagailuak, arbela digitalak ... baliabide erakargarriak dira haurrentzat, euren interesa pizteko aukera bezala hartu beharko genituzke. 

Kolaborazioa eta kooperazioa ere ezinbesteko premisa izango dira, ez soilik zentro bakanetan. Kolaborazioa eta kooperazioa zentro ezberdinen artean eman daiteke, horrela bada, haurren arteko ezberdintasun kulturalak eta sozialak aldera batera utziz, eta esperientziak elkartrukatuz, aniztasunari atea zabaldu, eta guztion artean ikasiz.

Gainera, argi dago irakasleen formazioa oinarrizkoa dela. Irakasleak metodoak menperatu behar dituzte ikasleen esku baliabide anitz uzteko. 

Guzti hau lortzeko bidean, instituzioen, enpresen eta beste hainbat agenteen inplikazioa eta kolaborazioa ezinbestekoa da. 

Liburuan zein bideoan islatutako esperientziak, gure egunerokotasunari estuki lotuta ageri dira, izan ere, irakasgai honetan gu geu gara, irakaslea eta gainontzeko ikaskideak laguntza edo euskarri moduan ditugularik, geure proiektuaren protagonistak, geure helburuak lortzeko bidean aurrerapausuak emateko arakatu behar dugunak, geure interesen arabera bloga eraikitzen dugunak, ... azken finean,  

PAUSORIK PAUSO GEURE ETORKIZUNA ERAIKITZEN DUGUNAK!

Red TIC: IKTen erabileran ikastetxe aurreratuen sarea

Sare honetan Estatu mailan IKTak hezkuntza praktikan ezarri dituzten ikastetxeak daude. Ikastetxe hauek guztiek euren egunerokotasunean teknologia berriak ohiko hezkuntza praktikarekin uztartu dituzte harik eta hezkuntza berritzaile bat eskaintzeko.

Honako hemen ikastetxe sare honen orria, non haurren lanak aurkezten diren:

http://redtic.educacontic.es/

Ekimen honekin batera ipuin kontalarien esperientzia abian ipini zen "Liburuaren eguna" ospatzeko estakuruarekin. Horrela bada, ikasleek beraiek, haur eta lehen hezkuntzakoak, sortutako 100 ipuin baino gehiago argitaratu ziren Red TIC ikastetxeen web orrian. 

Ipuin hauen elaborazioan haurrak izan ziren benetako protagonistak, euren ikaskuntza prozesuaren gidari. Are gehiago taldeko lanean aritu zirenez elkarlanerako jarrerak eta berdinen arteko laguntza ere bultzatu zen.

Informazio gehiago nahi baduzu hemen daukazu artikulu osoa:

http://redtic.educacontic.es/imagen09/descargas/informes/lecto_escritura_digital.pdf

Hausnarketa

Jadanik hilabete bat igaro da martxan hasi ginetik eta oraindik ere pausuak bide egokiaren bila jarraitzen dutela uste dut. Ikaskuntza prozesu jarraia eta etengabekoa da, egunetik egunera gure ezagutza eraiki beharrean gaude eta. 

Nik neuk irakasgaia modu ez presentzialean egiten nabil, beraz, nire ikaskuntza prozesua "AUTO-IKASKUNTZA" prozesua da. Egia esan, zaila da bakarrik aurrera egitea. Batzuetan, gogo handiz hasi eta arazoren bat edo zailtasunen bat izandakoan aurrera jarraitzeko bidea oztopoz betetzen hasten da, eta momentu horretan, frustazioa gainditzeko izugarrizko ahaleginak egitera behartzen dut neure burua. 

"Con el conocimiento se acrecientan las dudas" 

(Johann Wolfgang Goethe)

Are gehiago, inoiz ez naiz oso teknologia zalea izan, baina blogak itxura hartzen hasi dela ikusita aurrera egiteko kemena eta grina areagotuz hasi zaizkit.

Beraz, lanean jarraitzeko unea da, internet nabigatzeko ordua, IKTen hizkuntza bereganatzen hastekoa: HTML, esteka, etiketa, gadget-a...

Gauzak horrela, etorkizuna eraikitzeko bidea jorratuz noala esan dezaket, irakasle lanetan arituko naizenerako bidea eginez, ezagutzak bereganatzen, haurek euren ezagutzak eraikitzeko orduan euren laguntzaile edo gidari papera beraganatzen.

"La primera tarea de la educación es agilizar la vida, pero dejarla libre para que se desarrolle" 

(María Montessori)